Sabemos enviar
e-mails? A maioría diremos: “Si, claro. Quen non vai saber!
Pois
verdadeiramente a resposta é un claro e rotundo non, xa que a meirande parte da
xente non sabe enviar e-mails, ou non o fai axeitadamente.
Porque enviar un
e-mail non é darlle ao botón de “Enviar”. É moito máis.
Antigamente no
colexio ensinábannos a escribir unha carta, máis adiante nos estudos
específicos aprendiamos a escribir determinados tipos de cartas ou escritos máis
oficiais; unha carta de reclamación, unha carta de agradecemento... Tal vez as
cousas cambiaron e a ensinanza xa non é o que era fai uns anos ou é que todo se
debe á aparición das novas tecnoloxías?
Pero non nos enganemos!!
Escribir un e-mail non é como mandar unha mensaxe de texto ou de whatsapp, inda
que o enviemos dende o noso dispositivo móbil.
Un e-mail é moito
máis parecido a unha carta tradicional.
AS TRES CLAVES
PARA ENVIAR UN E-MAIL
1. O ASUNTO
Nunca esquezas
escribir neste apartado, xa que é o apartado no que se fai referencia ao
contido do e-mail.
¿Para que serve?
Para moito, xa que ao abrir a bandexa de entrada e ler o asunto dos e-mails,
decides cal é máis importante e polo tanto cal vas ler primeiro.
A isto teslle que sumar
que cando precises ou queiras volver a ler
un determinado e-mail, distinguiralo do resto polo seu asunto.
O asunto é breve;
unha palabra, unha frase curta. Non escribas aquí todo o que queres dicir, para
iso está o seguinte apartado, o corpo do e-mail.
2. O TEXTO
Na caixa grande
vai o corpo do e-mail, é dicir, todo o que queremos comunicar.
Coma sempre, cando
te dirixas a alguén debes comezar cun saúdo:
bo día, ola...
A continuación escribe
o que queres comunicar e por último, despídete, como o farías en persoa:
grazas,
atentamente, ata logo...
Nunca deixes este
espazo en branco, xa que é o espazo reservado para comunicar a túa mensaxe. Non
te esquezas de situar ao receptor no contido: “Bo día señor X, escríbolle
por…” “En referencia a...”, “Tal e como acordamos ....”
Imaxina que estás
na casa, chaman á porta é ao abrires un carteiro, sen mediar palabra, sóltache
un paquete, da a volta e marcha. Como quedas? Pareceuche maleducado? Quedaches
desconcertado? Pois a mesma sensación provoca recibir un e-mail sen asunto, nin
texto e descubrir que ten un arquivo xunto.
3. A DOCUMENTACIÓN QUE SE ACHEGA
Cando queres
enviar determinada información ou algún documento por e-mail, en moitas
ocasións vas ter que engadilo como documento xunto, esta función é moi útil e
cómoda para quen o recibe.
Deste xeito poderase
gardar no ordenador cun simple clic. Así que hai determinada información que
non debes pegar no corpo de texto, senón xuntala, tal e como sucede co teu C.V.
A quen mandas ti
e-mails? Hoxe en día case non mandamos e-mail aos amigos, verdade? Máis ben
comunicámonos con eles por whatsapp. Pensa, en que ocasións mandas un e-mail.
Seguro que a maioría van dirixidos a alguén que está a traballar, ao teu
orientador laboral, ao teu profesor, á atención ao cliente dunha páxina web…
Pensa nisto: está
a traballar?. Trátase, pois, dunha comunicación formal. Non é unha mensaxe
informal coma o whatsapp dos teus amigos. Esta persoa recibe moitos e-mails ao
longo do día, facilítalle o traballo escribindo o asunto do teu e-mail, trátao con
respecto, como profesional que é, dirixíndote a esa persoa adecuadamente ( bo
día, escríbolle por….).
Serve de algo
isto? Serve de algo conservar as formas hoxe en día?
Se estás a
escribir ao departamento de atención ao cliente, ao mellor o que queres é que
se tomen en serio a túa reclamación.
Se lle estás a
escribir a un profesor pedíndolle unha titoría ou un cambio de data, quererás
conseguilo, entón, importará a forma en que te dirixas a eles?
Se o que estás a
facer é enviar un CV a unha empresa, a forma en que o fagas está a transmitir
unha imaxe de ti.
Polo que, antes de
remitir un e-mail párate a pensar a quen vai dirixido, cal é o motivo polo cal
o remites, como o vas redactar, se tes que achegar algunha información
complementario ou remitir calquera outro documento, e sobre todo, antes de premer
no botón de “ENVIAR” volve a lelo non vaia ser que non quede claro o que queres
expresar na túa mensaxe. Recorda que unha vez que o remitas non hai volta
atrás.
De seguro que
despois de ler esta información os teus e-mails non serán o mesmo!!!!!
O pasado día 24 de marzo publicaronse as bases para a formación dunha bolsa de traballo na categoría de auxiliares administrativ@s.
No BOPPO do día 22 de marzo publicáronse as bases que regulan o procedemento para a selección dun/a funcionari@ interin@ coa categoría de axudante conductor barredora.
No BOPPO de hoxe saen publicadas as bases que regulan o procedemento para a selección dun/ha funcionari@ interino coa categoría de oficial electricista.
Orden do 7 de febrero de 2017 pola que se establecen as bases reguladoras para a promoción e consolidación do emprego autónomo a través do Programa I, de axudas á promoción de emprego autónomo, cofinanciado parcialmente con cargo ao programa operativo FSE Galicia 2014-2020, e o Programa II, de axudas a persoas traballadoras autónomas pola contratación indefinida de persoas asalariadas, e se convoncan para o ano 2017.
Resolución do 7 de marzo de 2017, da Axencia para a Modernización Tecnolóxica de Galicia, pola que se convocan as provas d avaliación de carácter libre para a obtención da certificación galega de competencias dixitais en ofimática.
Convocatoria de 200 bolsas de práctica laboral para a Deputación e os Concellos da provincia de Pontevedra, para o ano 2017.
O Concello de Pazos de Borbén ven de publicar a convocatoria e as bases do Concurso, por urxencia, para a selección dun posto de auxiliar administrativ@ con contrato laboral temporal por obra ou servizo determinado, este posto está adscrito ao departamento de sercizos sociais.
Resolución do 28 de febreiro de 2017, da Secretaría Xeral de Política Lingüística, pola que se anuncia, con carácter voluntario e gratuito, a convocatoria de Cursos de Lingua Galega (CELGA) preparatorios da probas para obter os certificados de lingua galega Celga 1, Celga 2, Celga 3 e Celga 4.
Resolución do 23 de febreiro de 2017 da Xefa territorial de Vigo pola que se convoca o proceso selectivo para o acceso ao permiso de explotación na modalidade de marisqueo a pé das confadrías de Lourizán, Pontevedra e Raxó.
Todas as semanas publicamos unha recompilación dalgúns dos boletíns de emprego máis relevantes, pero sabes o que é un boletín de emprego? sabes para que serven?...
O pasado día 28 de febrerio publicouse no DOGA a resolución da Dirección Xeral da Función Pública, pola que, se acorda o peche e a apertura de determinadas listas para a incorporación de novas solicitudes para a contratación temporal de persoal laboral da Xunta de Galicia e o nomamento de persoal funcionario interino correspondente a determinados grupos, categorías, corpos e escalas ou especialidades.